'Oku 'oatu 'e he Mercury Energy 'a e ngaahi sēvesi mo e ngaahi koloa
kehekehe ki he kau kasitomā fo'ou΄ mo e kau kasitomā
lolotonga΄ foki. 'Oku kau 'i heni 'a e:
-
Fili pe te nau fiema'u 'uhila mo e kasa* (kapau 'oku ma'u 'eni 'i ho
feitu'u΄) mei΄ he fakatau'anga ivi pē 'e taha, 'o fakataha'i
kinaua 'i he tohi mo'ua fakamāhina pē 'e taha.
-
To'o 'a e tisikauni pēseti 'e 10 mei΄ ho mo'ua΄ fakakātoa
kapau 'oku totongi 'a ho mo'ua΄ 'i ha fo'i 'aho pau kuo tuku atu ('aho 'e
21 mei΄ he 'aho na'e ma'u atu ai 'a e tohi mo'ua΄).
-
Lau fakamāhina ma'u pē 'a e mita 'uhila΄. 'Oku 'uhinga eni 'e
'oatu pē 'a e tohi mo'ua΄ 'i he mahu'inga 'o e 'uhila ko ia
'oku΄ ke faka'aonga'i΄, ka e 'ikai ko ha fakaofiofi pē.
-
Toe tisikauni pēseti 'e 1 mavahe ki ha totongi mo'ua
faka'ilekitulōniki ('ikai kau 'i heni 'a e kaati fakamo'ua΄ pe credit
card).
-
Ma'u hangatonu atu 'a e ngaahi fakaikiiki ki ho'o 'akauni΄ 'i he
'initaneti΄ pe ko e telefoni΄, 'i he houa 'e 24 'o e 'aho´.
-
Fika Telefoni Laine Maumau houa 'e 24 'o e 'aho´.
-
Ngaahi founga totongi mo'ua kehekehe - 'e lava ke totongi 'a e ngaahi
mo'ua΄ 'i he founga Direct Debit (pe fakangofua totongi mo'ua
fakahangatonu mei ho'o 'akauni he pangikee΄), Automatic Payment (pe
totongi mo'ua fakahangatonu 'o ha mahu'inga tu'upau mei ho'o 'akauni 'i he
pangikee΄), credit card pe kaati fakamo'ua ('e 'ikai 'atā atu eni ia
ki he totongi mo'ua faka'angataha΄), sieke, pe totongi pa'anga 'i he
ngaahi va'a 'o e New Zealand Post Shops.
'Oku΄ ke faingatā'ia nai 'i he fetu'utaki?
'I he taimi te ke fetu'utaki atu ai ki he Mercury Energy, 'e tali atu 'a e
telefoni΄ 'i he lea faka-Pilitānia΄. Kaekehe, kapau 'oku΄
ke fiema'u ha tokoni ki he fakatonulea΄, 'oku lava 'e he Senitā
Ma'u'anga Tokoni Fakafeitu'u 'a 'Okalani Ma'a΄ e Kakai Toki Hiki Fo'ou
Mai΄ (pe Auckland Regional Migrant Resource Centre) ke nau fakatonulea 'i
he ngaahi lea kehekehe 'e tolungofulu tupu. Ko 'enau taumu'a ngāue΄
ko 'enau 'oatu ha ngaahi fakamatala mo e poupou ke tokoni ki he ngaahi fiema'u
'a kinautolu toki hiki fo'ou mai ki Nu'u Sila΄. 'Oku ta'etotongi pē
'a e ngaahi sēvesi ko 'eni΄.
http://www.arms-mrc.org.nz
Telefoni: (09) 625 3090 pe (09) 625 2440
*Fakatokanga'i ange: Ko e kasa΄ 'oku ala ma'u atu pē ia
ki ho 'api΄
|
