Ko e me'a fakafiefia ka ko e pole lahi ia, ha hiki fo'ou atu 'a ha fāmili ki ha fonua fo'ou, pea ko e fili ko ia 'a e ma'u'anga 'uhila ke nau faka'aonga'i΄, ko e taha pē ia 'o e ngaahi me'a ke nau tokanga ki ai΄. 'Oku lava ke tupu ha puputu'u pea 'e lava ke faingata'a he taimi 'e ni'ihi ke nau mahino'i 'a e anga 'o e ngāue 'a e ngaahi sēvesi΄ 'i ha fonua fo'ou. 'Oku mo'oni 'oku kehe ange 'a e founga ngāue ia 'a e māketi ma'u'anga ivi fakamovetevete 'i Nu'u Sila΄ mei΄ he ngaahi māketi lahi 'i muli. Tupu mei΄ he 'uhinga ko 'eni΄, 'oku loto 'a e Mercury Energy ke nau tokoni atu 'i ha'anau 'oatu ha ngaahi fakamatala felāve'i mo e tafa'aki ngāue 'a Nu'u Sila ki he ma'u'anga ivi 'uhila΄ pea mo e ngaahi sēvesi 'a e Mercury Energy ke fakapapau'i 'oku toe faingofua ange 'a e ma'u atu 'o e 'uhila΄ 'e he ngaahi 'api taautaha΄ pea mo e ngaahi pisinisi΄. 'I Nu'u Sila΄, 'oku΄ ke fili pē 'e koe 'a ho'o kautaha ma'u'anga 'uhila΄ pea ko e fatongia ia 'o e 'api takitaha ke nau kamata'i ha'anau 'akauni 'uhila fakafo'ituitui mo totongi 'a 'enau mo'ua 'uhila fakamāhina΄. 'Oku tatau pē eni kapau 'oku 'i ai hao 'api tonu pē 'o'ou, 'oku΄ ke nofo totongi, pe 'oku΄ ke nofo 'i ha taha 'o e ngaahi poloka feleti΄. Ki he kau kasitomā fakataautaha΄ pea mo e ngaahi pisinisi΄, 'oku fokotu'u 'a e mahu'inga 'o e 'uhila΄ 'e he kau faifakatau 'uhila fakamovetevete΄ pea 'oku fiema'u ia ke nau fakahā atu 'i he 'aho 'e 30 kimu'a kapau 'oku nau 'amanaki liliu 'a e mahu'inga ko ia΄. Neongo pē 'oku mahu'inga 'a e lahi 'o e pa'anga ko ia 'oku΄ ke totongi ki ho'o 'uhila΄, ko e taimi ko ia 'oku΄ ke fili ai pe ko fē 'a e kautaha ma'u'anga 'uhila te ke faka'aonga'i΄, 'oku tui 'a e Mercury Energy ko e me'a mahu'inga taha΄ ko e tu'unga mā'olunga 'o e sēvesi ko ia 'oku 'oatu 'e he kautaha ko ia te ke fili΄. Ko e Mercury Energy ko e taha ia 'o e ngaahi kautaha faifakatau 'uhila mo e kasa fakamovetevete lahi taha 'i Nu'u Sila΄, pea 'oku ofi 'i he toko tolu kilu΄ 'a 'ene kau kasitomaa΄ pea kuo laka hake 'eni 'i he ta'u 'e 50 'a e hisitōlia 'o 'ene faifatongia ma'a΄ e kau kasitomā 'i he vāhenga 'Okalani΄. 'Oku΄ ke faingatā'ia nai 'i he fetu'utaki? 'I he taimi te ke fetu'utaki atu ai ki he Mercury Energy, 'e tali atu 'a e telefoni΄ 'i he lea faka-Pilitānia΄. Kaekehe, kapau 'oku΄ ke fiema'u ha tokoni ki he fakatonulea΄, 'oku lava 'e he Senitā Ma'u'anga Tokoni Fakafeitu'u 'a 'Okalani Ma'a΄ e Kakai Toki Hiki Fo'ou Mai΄ (pe Auckland Regional Migrant Resource Centre) ke nau fakatonulea 'i he ngaahi lea kehekehe 'e tolungofulu tupu. Ko 'enau taumu'a ngāue΄ ko 'enau 'oatu ha ngaahi fakamatala mo e poupou ke tokoni ki he ngaahi fiema'u 'a kinautolu toki hiki fo'ou mai ki Nu'u Sila΄. 'Oku ta'etotongi pē 'a e ngaahi sēvesi ko 'eni΄. http://www.arms-mrc.org.nz |
