Totongi Fakahangatonu´ (Direct Debit)

Ko ha founga faingofua ia ki hono totongi 'o ho mo'ua ki he Mercury Energy 'i he māhina taki taha. Ke fokotu'u ha'o Direct Debit, 'e lava ke ke fakahoko ha taha 'i he ngaahi me'a´ ni:

• LÄ“sisita 'i he 'initaneti´ ki he Direct Debit;
• Ma'u atu ha'o foomu fakangofua Direct Debit 'i he 'initaneti´ pea meili'i atu 'eni ki he Mercury Energy, Freepost Mercury, Private Bag 92008, Auckland 1142, pe
  

Telefoni ki he'emau Customer Services Team 'i he 0800 10 18 10, pea te mau fokotu'u ha'o totongi Direct Debit 'o fou 'i he talanoa telefoni´ pē**

Ki ha toe fakamatala lahi ange fekau'aki mo e lēsisita atu ki he Direct Debit 'i he 'initaneti´, 'o kau atu ki ai mo e Ngaahi Tu'utu'uni´ mo e Ngaahi Makatu'unga´, lomi'i 'i heni.

Totongi 'i he Telefoni´ (Telephone Banking):

Kapau 'oku´ ke faka'aonga'i 'a e ngaahi sēvesi fakapangikē 'oku ngāue'aki ai 'a e telefoni´, 'e lava ke ke tānaki atu 'a e Mercury Energy ki ho'o ngaahi fili ki he totongi mo'ua´, pea´ ke toki totongi atu pē 'a e lahi 'o e mo'ua´ 'i he taimi 'e a'u atu ai 'a e mo'ua fakamāhina´.

Totongi 'i he 'Initaneti´ (Internet Banking)

Kapau 'oku´ ke faka'aonga'i 'a e ngaahi sēvesi fakapangikē 'i he 'initaneti´, 'e lava ke ke tānaki atu 'a e Mercury Energy ki ho'o ngaahi fili ki he fa'ahinga 'oku´ ke totongi mo'ua ki ai´. 'I he taimi 'oku ma'u atu ai 'a ho'o mo'ua fakamāhina´, hū atu pē ki he 'initaneti´ 'o totongi atu ai 'a e lahi 'o e mo'ua´ mei ho'o 'akauni 'i he pangikee´.

'Oku hā atu 'i lalo 'a e ngaahi fakaikiiki ki he'emau 'Akauni 'i he Pangikee´:

Totongi 'Otomētiki´ (Automatic Payment):

Ki he fo'i fili ko 'eni´, te ke fakangofua ai 'a ho'o pangikee´ ke ne fakahoko ha totongi fakahangatonu 'i he ngaahi vaha'a taimi tu'upau ki ho'o 'akauni 'i he Mercury Energy (te ke fokotu'u pē 'e koe 'a e lahi 'o e pa'anga ke totongi´ pea mo e lōloa 'o e taimi 'i he vaha'a 'o e taimi totongi mo'ua taki taha)

Lomi'i 'i henike ma'u atu ha'o foomu fakangofua ki he automatic payment. Fakafonu 'eni pea fakafoki ia ki he pangikee´.

Kaati Fakamo'ua´ (Credit Card***):

Kaati Fakamo'ua´ (Credit Card***): 'I ho'o lēsisita 'a e ngaahi fakaikiiki ki ho'o credit card mo kimautolu´, te mau to'o fakahangatonu pē'a ho'o mo'ua fakamāhina´ mei ho'o kaati American Express, Visa, Mastercard pe Diners Club. 'Oku tauhi 'e he fo'i fili ko eni´ ke mā'ulalo pē 'a e ngaahi totongi fakapangikee´ pea 'e ma'u atu ai 'a ho'o ngaahi poini ki ha ngaahi polokalama tauhi vā (loyalty programme) 'oku´ ke kau ki ai. Ke fokotu'u 'a ho'o ngaahi totongi credit card, telefoni mai kia kimautolu 'i he 0800 10 18 10, pe kapau kuo´ ke 'osi lēsisita 'a ho'o fika fakapulipuli´ 'e lava ke ke fokotu'u 'eni 'i he 'initaneti´ 'aki ha'o lomi'i 'i heni

Sieke´ (Cheque):

Kapau 'oku´ ke sai'ia ange koe 'i heni, 'e lava ke ke tohi'i mai pē ha sieke 'i he māhina kotoa pē 'o meili'i mai ia kia kimautolu 'i he sila toe ala faka'aonga'i pea 'osi fakasitapa kuo 'oatu´.

A'u tonu´ (In Person):

'E lava ke ke totongi 'a ho'o mo'ua Mercury Energy 'aki ha'o a'u tonu atu pē ki he kānita´ 'i he ngaahi feitu'u kehekehe 'i Nu'u Sila´ ni.

Totongi kimu'a´ (Prepay):

'E lava ke ke fua totongi pē 'a ho'o 'uhila´ 'aki ha'o hiki ki he GLO-BUG. 'I he GLO-BUG 'oku´ ke totongi pē 'a ho'o 'uhila´ 'i he taimi 'oku´ ke faka'aonga'i ai ia´. 'Oku 'ikai toe 'oatu ha'o mo'ua fakamāhina kā 'oku´ ke fakalahi pē 'a ho'o 'akauni´ 'i he taimi 'oku´ ke toe fiema'u 'uhila lahi ange ai´.

'Oku 'i ai 'a e ki'i mita fua 'uhila 'oku fokotu'u 'i ho 'api´ 'a ia 'e ulo 'i he ngaahi maama lanu kehekehe ke talaatu 'a e lahi 'o e pa'anga 'oku kei toe´, pea mo e taimi 'oku fiema'u ai ke ke fakalahi ai 'eni´. 'I he taimi 'oku fiema'u ai ke ke toe fakalahi hake 'a ho'o 'akauni´ 'e lava ke ke ngāue'aki 'a ho'o kaati totongi GLO-BUG ke fakalahi hake 'aki 'a ho'o 'akauni´ 'i he ngaahi falekoloa 'e lauiafe 'i Nu'u Sila´ ni.s

Ki ha toe fakamatala lahi ange pe ko ha'o hiki ki he 'uhila fua totongi´, telefoni mai kia kimautolu 'i he 0800 PREPAY (0800 773 729) pe vakai ki he www.globug.co.nz。