'O 'au'aunaga 'ese'ese ma isi mea nei e fa'atino ma tu'uina atu e le Mercury Energy mo tagata fou ma tagata 'olo'o 'avea ma sui 'auai. E aofia ai mea nei:

• 'O le filifiliga e aofia ai lau 'eletise ma le kesi* (pe'āfai 'olo'o avanoa ma iai ia mea i lo 'outou vai'a'ai) mai se tasi o kamupanī sapalai, e tasi ai le pili i le māsina.
• E 10% le tupe sefe mai i le tau 'ātoa o lau pili pe'ā totogi lau pili i le aso e tatau ona totogi ai (21 aso pe'ā te'a le aso na tūsia ai le pepa o le pili).
• E ta'i māsina ma faitau le mita. 'O lona uiga e na'o le aofa'i 'ua 'e fa'aaogāina matou te piliina ai 'oe, i lō le pili o 'oe i se faiga tau matemate.
• E 1% e to'esea mai peimeni e totogi i luga o le 'initaneti (e lē taulia Pepa Nonō Tupe, Ma Fefa'ataua'iga /credit card).
• 'O fa'amatalaga o pili e avanoa i le 'initaneti po'o le telefoni e 24 itūlā i le aso.
• 24 itūlā mo le Laina e Leaga ma Fa'aletonu.
• E iai itū'āiga peimeni e mafai ona filifilia mai ai: e mafai ona totogi mai lau pili mai le Tipi Sa'o mai lau tusi tupe, po'o le tipi mai o se aofa'i fa'atūlagaina, Pepa Nonō Tupe Ma Fefa'ataua'iga (lē 'o avanoa mo le totogiina o pili) siaki, po'o le tupe e totogi i lālā o le Falemeli, New Zealand Post Shop.

E faigatā ona mālamalama i le 'Igilisi?

'A 'e telefoni mai i le Mercury Energy 'ole'ā tali atu i le gagana 'Igilisi. 'Ae peita'i 'a 'e mana'omia se fesoasoani i le fa'aliliu'upu e mafai ona fa'aliliu e le nofoaga fa'aliliu 'upu a le Auckland Regional Migrant Resource Centre gagana e sili atu i le 30. 'O a latou gāluega 'o le 'avatu o fa'amatalaga ma fa'asinoala e fesoasoani mo ē fai mai ma mea e mānana'o ai. 'O nei 'au'aunaga e tu'uina atu e leai se totogi.

'upega o feso'ota'iga http://www.arms-mrc.org.nz
Telefoni: (09) 625 3090 pe (09) 625 2440

*Ia manatua: 'O le kesi e na'o lou fale e avanoa i ai