'O le tau atia'e o se ōlaga fou i totonu o se atunu'u fou 'o se la'asaga fiafia 'ae e iai ona lu'itau mo so'o se 'āiga ma e po'o fea e maua mai ai lau 'eletise e lē na'o le pau lenā o le mea 'e te māfaufau i ai. 'O lou mālamalama i 'au'aunaga 'ese'ese i se atunu'u fou e faigatā ma fenumia'i i nisi taimi. 'O le maketi o le 'eletise a Niu Sila e 'ese lona galuea'ina nai lō maketi o isi atunu'u. 'O le māfua'aga lea, 'ua fia fesoasoani atu ai le kamupanī a le Mercury Energy e 'avatu ni fa'amatalaga e uiga i kamupanī 'eletise a Niu Sila ma le 'au'aunaga a le Mercury Energy 'ina 'ia mautinoa ai le fa'afaigōfieina o le sapalai o le paoa mo 'āiga fa'apea ma pisinisi. I Niu Sila, e filifili lava 'oe i lau lava kamupanī 'eletise ma 'o le tiute o 'āiga 'uma 'o le faia lea o sa latou 'eletise ma totogi le pili i māsina ta'itasi. E fa'apenā fo'i ē e iai o latou fale fa'atau, se fale mautotogi pē nofo i se atugā fale tetele. Mo nofoaga e iai fale o 'āiga ma tagata e fai a latou pisinisi lāiti, 'o le tau o le 'eletise 'ua māe'a ona fa'atūlagaina e kamupanī 'eletise ma e māsani ona mana'omia le 30 aso o se fa'asilasilaga pe'ā manatu 'ole'ā suia le tau. E moni e tāua le totogi o lau 'eletise, 'ae 'a sa'ili sau kamupanī 'eletise, e talitonu le Mercury Energy 'o le mauaina o se 'au'aunaga pito i sili ona lelei 'o le mea sili lea ona tāua. 'O le Mercury Energy 'o le tasi lea o kamupanī fa'apitoa mo le 'eletise ma le kesi i le atunu'u 'ātoa ma e tusa ma le 300,000 tagata na te tautuaina ma ua 'ova i le 50 tausaga talu ona sapalaia tagata i totonu o 'Aukilani. E faigatā ona mālamalama i le 'Igilisi? 'A 'e telefoni mai i le Mercury Energy 'ole'ā tali atu i le gagana 'Igilisi. 'Ae peita'i 'a 'e mana'omia se fesoasoani i le fa'aliliu'upu e mafai ona fa'aliliu e le nofoaga fa'aliliu 'upu a le Auckland Regional Migrant Resource Centre gagana e sili atu i le 30. 'O a latou gāluega 'o le 'avatu o fa'amatalaga ma fa'asinoala e fesoasoani mo ē fai mai ma mea e mānana'o ai. 'O nei 'au'aunaga e tu'uina atu e leai se totogi. 'upega o feso'ota'iga http://www.arms-mrc.org.nz |
