Katia ana te ara iahiko ka tere te hiko. Me he kēti te whakakā ki taua ara iahiko. Meinga ake ana te whakakā ka ea te ara iahiko. Ka tere te hiko mā te whakakā, haere tonu atu ana. Meinga iho ana te whakakā ka momotuhia te ara iahiko.

Takawirihia ngā moka o ngā waea e rua ki ngā pine. Pēhia ngā pine ki roto i te puru kāka. Āpitihia atu tētahi waea ki te pēteri me tērā atu ki te kaipupuri rama. Meatia atu te pepa hiriwā ki ngā pine hei whakamātau i tō ara iahiko. Ki te kā te rama, kua rite.

A tēnā, meatia atu tētahi moka o te puripepa ki tētahi pine. Whakakopihia te puripepa kia kore e pā ki tērā atu pine. Ko te puripepa tō whakakā – pēhia, kia kite i te aha hoki!