I ēnei rā kei te kitea ngā tūmomo rama hiko, mō te hanganga me te pīataata. Te āhua nei pea he rerekē katoa ngā rama nei, tūturu, e rua noa iho ngā momo:
- Kei ngā rama kōrekoreko (ngā ngongo karaehe roa) tētahi momo korohū he tiaho ka rere ana te hiko mā te ngongo.
- He whakamahi hiko tā ngā rama ratarata (e kitea ana i te nuinga o ngā kāinga, he rama he ramaringa hoki) kia mahana mai te kakawaea.
Kia ngiha mai te pūrama, me tere te hiko mā tētahi kakawaea ka hoki ai ki te mātāpuna hiko hei kapi i te ara ia hiko. Pērā ki te pēteri, e rua ngā moka o te pūrama, ēngari ka noho tata. Ka kitea tētahi ira hiriwā moroiti. Koinei te hononga tahi mai i tētahi pito o te kakawaea me ā waho o te pūrama.
Ko te hononga tahi tuarua kei te wāhi kōwiringa o te pūrama e honoa ana ki tērā moka o te kakawaea. Ko tā te rīngi pango kei te pūtake o te pūrama he aukati i te pānga o ngā pito e rua. Hei whakakā i te pūrama, me hono ngā pito e rua ki ngā mea e rua o te pēteri ki te waea. Katia ana te ara iahiko, ka kā mai te pūrama.
Whakakopia te pepa hiriwa kia haurua mā te taha roa kātahi ka honoa ki te pēteri me te pūrama. Kia mahara ko te ara iahiko te koropiko kati ka rere ai te hiko. Ka hia ngā huarahi hono i te pūrama me te pēteri kia kā mai ai te rama? |